Kecha Buxoroda sport kurashlari bo‘yicha kattalar o‘rtasida O‘zbekiston kubogi o‘tkazilayotganligi haqida xabar qilgandik.
Jamoaviy tizimda tashkil etilayotgan musobaqaning yunon-rum kurashi bo‘yicha bahslarida Buxoro terma jamoasi vakillari birinchi o‘rinni qo‘lga kiritgandilar.
Endi musobaqada erkin kurash bellashuvlari yakuniga yetdi. Unga ko‘ra, erkin kurashchilar o‘rtasidagi bahslarda ham mezbon Buxoro terma jamoasi sportchilari g‘alaba qozonib, turnir g‘olibiga aylandilar.
Ikkinchi o‘rinni Qoraqalpog‘iston terma jamoasi a’zolari egallagan bo‘lsalar, kuchli uchlikka andijonlik polvonlar yakun yasashdi.
