Moskva shahrida sport jurnalistikasiga bag‘ishlangan «Energiya pobed» VIII Butunrossiya festival-tanlovi bo‘lib o‘tdi. Rossiya Milliy olimpiya qo‘mitasi, Rossiya sport jurnalistlari federasiyasi va «Gazprom» kompaniyasi tomonidan tashkil etilgan tanlovda turli yo‘nalishda g‘olib va sovrindorlar aniqlandi. E’tiborlisi, «Rus tilida faoliyat olib boradigan xorijiy OAVdagi eng yaxshi fotoreportaj» yo‘nalishida hamyurtimiz Anvar Ilyasov uchinchi o‘rinni qo‘lga kiritdi.

Ushbu yo‘nalishda g‘olib va sovrindorlar ro‘yxati quyidagicha bo‘ldi:

1-o‘rin: Sergey Savrasov, «Spacesuit Media» fotoagentligi, Semiluki shahri.
2-o‘rin: Kirill Kudryavsev, «Agentstvo Frans-Press» axborot agentligi, Moskva shahri.
3-o‘rin: Anvar Ilyasov, «Jahon» axborot agentligi, Toshkent shahri.

Ma’lumot uchun, Anvar Ilyasov 40 yildan buyon fotojurnalistika sohasida faoliyat olib boradi. 2000 yildan boshlab u 5 ta Olimpiada, 5 ta Osiyo o‘yinlarida fotosuratchi sifatida ishlagan. Shuningdek, dzyudo, sport kurashlari bo‘yicha jahon chempionatlari, futbol uchrashuvlarida sportchilarimizning turli holatlari, quvonchli onlari aks etgan suratlarni tarixga muxrlagan.

E’tiboringizga Anvar Ilyasov tomonidan ushbu tanlov uchun jo‘natilgan suratlarni taqdim etamiz:

Milliy olimpiya qo‘mitasi Anvar Ilyasovni tabriklaydi va ijodiy faoliyatida muvaffaqiyatlar tilaydi.