"Manchester Siti" hujumchisi Riyod Mahrez APLning 15-turida "Uotford" ustidan qozonilgan g‘alabadan so‘ng (2:1) fikrlarini bildirdi.
"Biz har o‘yinda 4:0 yoki 5:0 hisobida g‘alaba qozona olmaymiz. Aynan shunday o‘yinlar bizni kuchli qiladi. Ikkinchi golgacha yaxshi o‘ynadik. Shundan so‘ng ham vaziyatlarimiz bo‘ldi, o‘yinni tugatib qo‘yishimiz ham mumkin edi, ammo 2:0 hisobida yutib turganingda ham raqib gol urib qo‘ysa, uning ishqibozlari yana olg‘a borishga chorlab tursa - qiyin bo‘ladi.
G‘alabadan juda xursandmiz, chunki uch ochko oldik. Biz har uch kunda diqqatimizni jamlashimiz kerak. Kuchli to‘rtltkda turgan istalgan jamoa chempion bo‘lishi mumkin.
Biz hali hech narsaga erishganimiz yo‘q, ko‘p ishlashimiz kerak, bir jamoa bo‘lishimiz uchun har bir o‘yinni yutishimiz lozim", - deydi Mahrez.
