Angliyaning “Vest Xem” klubi “Manchester Yunayted”ning ekvadorlik himoyachisi Antonio Valensiyaga qiziqib qoldi. Bu haqda The Sun nashri xabar bermoqda.
Manbaning xabariga ko‘ra, London klubi futbolchini kelasi yozda jamoaga olib kelmoqchi. Shuningdek futbolchining “MYU” bilan shartnomasi ham yozda yakuniga yetadi. Shu tariqa futbolchi erkin agent sifatida tekinga Londo klubiga o‘tishi mumkin.
Eslatib o‘tamiz, 33 yoshli futbolchi joriy mavsum “MYU” safida barcha musobaqalarda 6 ta o‘yinda maydonga tushdi.