«PSJ» klubi hujumchilar — Kilian Mbappe va Neymarning jamoani tark etishi mumkinligi haqidagi xabarlarga rasmiy bayonot bilan chiqdi. Avvalroq L’Equipe gazetasi parijliklar moliyaviy halol o‘yin qoidasining buzilishi tufayli jazodan qutilib qolish maqsadida ikkala futbolchini sotishi mumkinligi haqidagi ma’lumot tarqatgandi.

«Bu nafaqat noto‘g‘ri ma’lumot, hattoki kulgilidir. Bu — klubimiz va matbuot o‘rtasidagi munosabatni buzishga qaratilgan xatti-harakat. «PSJ» yana bir marta L'Equipe'ga savol bilan murojaat qiladi: bizga nisbatan maqsadingiz nima o‘zi?

Klub atrofida yomon muhitni shakllantirishga qaratilgan bunday misollar ko‘plab keltirish mumkin. Ularning oxirgilaridan biri sifatida chorshanba kuni «Strasbur»ga qarshi o‘yin kuni gazetasining bosh sahifasida Kavani bilan bog‘liq yolg‘on muammolar e’lon qilindi. Gazetaning dastlabki sahifalarida "PSJ" haqida haddan tashqari ko‘p materiallar chop etilgani — klubimizning shonli ekanidan darak beradi. L'Equipe'ning ko‘r-ko‘rona yondashuviga savollarimiz bor.

Chempionlar ligasi doirasida Belgradda bo‘ladigan muhim o‘yinga 4 kun qolganida barcha muxlislar, hamkorlar, sobiq futbolchilarimizdan qizil-ko‘k futbolka, futbolchilar atrofida yanada qattiqroq jipslashishga chaqiramiz.

Stadionda va ijtimoiy tarmoqlar orqali ishqibozlarimiz tomonidan bo‘layotgan qo‘llab-quvvatlashlar Neymar, Kavani, Mbappe va boshqa futbolchilarga kuch-quvvat beradi. L'Equipe tomonidan tarqatilayotgan yolg‘on xabarlar, bizni falokatga boshlash uchun bo‘layotgan urinishlarga shuni ma’lum qilamizki, Fransiyaning eng taniqli va omadli klubi bo‘lgan "PSJ" faqat yaxshi va qonuniy OAV bilan gaplashishni istaydi», – deyiladi bayonotda.