«ПСЖ» клуби ҳужумчилар — Килиан Мбаппе ва Неймарнинг жамоани тарк этиши мумкинлиги ҳақидаги хабарларга расмий баёнот билан чиқди. Аввалроқ L’Equipe газетаси парижликлар молиявий ҳалол ўйин қоидасининг бузилиши туфайли жазодан қутилиб қолиш мақсадида иккала футболчини сотиши мумкинлиги ҳақидаги маълумот тарқатганди.

«Бу нафақат нотўғри маълумот, ҳаттоки кулгилидир. Бу — клубимиз ва матбуот ўртасидаги муносабатни бузишга қаратилган хатти-ҳаракат. «ПСЖ» яна бир марта L'Equipe'га савол билан мурожаат қилади: бизга нисбатан мақсадингиз нима ўзи?

Клуб атрофида ёмон муҳитни шакллантиришга қаратилган бундай мисоллар кўплаб келтириш мумкин. Уларнинг охиргиларидан бири сифатида чоршанба куни «Страсбур»га қарши ўйин куни газетасининг бош саҳифасида Кавани билан боғлиқ ёлғон муаммолар эълон қилинди. Газетанинг дастлабки саҳифаларида "ПСЖ" ҳақида ҳаддан ташқари кўп материаллар чоп этилгани — клубимизнинг шонли эканидан дарак беради. L'Equipe'нинг кўр-кўрона ёндашувига саволларимиз бор.

Чемпионлар лигаси доирасида Белградда бўладиган муҳим ўйинга 4 кун қолганида барча мухлислар, ҳамкорлар, собиқ футболчиларимиздан қизил-кўк футболка, футболчилар атрофида янада қаттиқроқ жипслашишга чақирамиз.

Стадионда ва ижтимоий тармоқлар орқали ишқибозларимиз томонидан бўлаётган қўллаб-қувватлашлар Неймар, Кавани, Мбаппе ва бошқа футболчиларга куч-қувват беради. L'Equipe томонидан тарқатилаётган ёлғон хабарлар, бизни фалокатга бошлаш учун бўлаётган уринишларга шуни маълум қиламизки, Франциянинг энг таниқли ва омадли клуби бўлган "ПСЖ" фақат яхши ва қонуний ОАВ билан гаплашишни истайди», – дейилади баёнотда.