Жозе Моуриньо «Реал» раҳбариятидан Португалия чемпионати вакилини сотиб олишни сўрамоқда.
Аввалроқ, 63 ёшли мутахассис «Бенфика» бош мураббийлигини тарк этиб, Мадрид клубини бошқариши маълум бўлган эди.
Журналист Мигель Анхель Диас El Partidazo de COPE эфирида хабар беришича, португалиялик мураббий «қаймоқранглилар»дан «Спортинг» ярим ҳимоячиси Мортен Юлмандни трансфер қилишни сўраган. Лиссабон клуби даниялик футболчи учун тахминан 50 миллион евро талаб қилиши кутилмоқда.
Шунингдек, Моуриньо «Реал»нинг собиқ футболчиларидан бири унинг ёрдамчиси бўлишини ва раҳбарият ҳамда жамоа ўртасида кўприк (боғловчи бўғин) вазифасини бажаришини хоҳламоқда. Бундай рол Тони Кроосга таклиф этилиши мумкин.
