«Барселона» чап қанот ҳимоячиси Алехандро Бальде сотилиши мумкин бўлган футболчилардан бири сифатида кўрилмоқда.
Бош мураббий Ханс-Дитер Флик 22 ёшли футболчига асосий таркибдан доимий жой кафолатлай олмайди. Шунга қарамай, Бальде таслим бўлишни истамаяпти ва мураббийга ўз имкониятларини исботлаш ниятида.
Mundo Deportivo маълумотига кўра, Бальде фақат клуб унга келажакда ишонч билдирмаётганини очиқ айтган тақдирдагина кетишга рози бўлади. Айни пайтда ёш испаниялик футболчи, турли миш-мишларга қарамай, жамоасини алмаштириш ҳақида ўйламаяпти.
Сўнгги вақтларда «Манчестер Юнайтед»нинг Алехандро Бальдега қизиқиши ҳақидаги хабарлар яна пайдо бўлди. Transfermarkt портали ҳимоячининг трансфер қийматини 50 миллион еврога баҳоламоқда.
