Xabar berib o‘tganimizdek, Toshkent shahri 10-12 dekabr kunlari Osiyo ot sporti federasiyasining Bosh Assambleyasiga mezbonlik qildi.
Asosiy masala – federasiya faoliyatini muvofiqlashtirishda katta ahamiyatga ega bo‘lgan Nizomni yangilash edi.
Ishtirokchilar ovoz berish qoidalarini, musobaqalar vaqtidagi me’yorlarni muhokama qilishdi. Yakunda yangi Nizom tasdiqlandi. Bu orqali Osiyo ot sporti federasiyasi tarixida yangi sahifa ochilmoqda.
O‘z navbatida, Osiyo ot sporti federasiyasi rahbariyati mazkur Assambleyani yuqori saviyada tashkil eta olgani uchun O‘zbekiston yilqichilik va ot sporti federasiyasiga minnatdorchilik bildirdi. Bundan tashqari O‘zbekistonda ot sporti rivojlanib borayotgani alohida qayd etildi.
