“River Pleyt” yarim himoyachisi Esekyel Palasios qishda “Real”ga o‘tmaydi.

Bu haqda 20 yoshli futbolchi AS nashriga bergan intervyusida ma’lum qildi. U faoliyatida bunday burilishlarga hali tayyor emasligini aytdi.

“River”da qolishni istayman. Yevropada o‘ynashim uchun, avval bor salohiyatimni shu yerda ko‘rsatmoqchiman”, - deydi Palasios.

Manbaning xabar berishicha, “Real” argentinalik futbolchi bilan muzokara o‘tkazishga bir necha bor harakat qilgan. Ammo, Palasios ularga rad javobini qaytardi.