O‘zbekiston Respublikasi Prezidenti farmoyishiga binoan 15 dekabrdan boshlab Respublikamizda «Vatanparvarlik oyligi» o‘tkazilmoqda. Shu munosabat bilan joylarda turli tadbirlar tashkil etilmoqda. Ana shunday tadbirlardan navbatdagisi 6 yanvar kuni Jizzax viloyati, Sharof Rashidov tumani, «Gandumtosh» qishlog‘ida o‘tkazildi.

Yoshlarga vatanparvarlik ruxini singdirish maqsadida tashkil etilgan festivalda buyuk bobolarimiz Jaloliddin Manguberdi, Amir Temur kabi ulug‘ sarkardalarning jang olib borish san’ati, vatan himoyasi yo‘lida ko‘rsatgan qahramonliklarini o‘z ichiga olgan sahna ko‘rinishlari, zamonaviy harbiy texnika, qurol-aslahalar ko‘rgazmasi o‘tkazildi.

Bunday tadbirlarda sportchilarimiz ham faol ishtirok etmoqdalar. Jumladan, kamondan otish, boks, karate, taekvondo bilan shug‘ullanayotgan yoshlarimiz o‘z mahoratlarini namoyish etdilar.

Ma’lumot uchun, «Vatanparvarlik oyligi» 15 yanvarga qadar davom etadi.