“Navbahor” tarkibiga turkmanistonlik futbolchi kelib qo‘shilishi kutilayotgan edi.
Bugun namanganliklar qarorgohiga Turkmanistonning “Ahal” jamoasi yarim himoyachisi Elman Tagayev kelib qo‘shildi.
Katta ehtimol bilan Tagayev faoliyatini yana O‘zbekistonda davom ettiradi. Elman faoliyati davomida “Andijon”da ham to‘p surgandi.
Adashmasak, jamoamiz safida o‘ynagan so‘nggi turkmanistonlik o‘yinchi Maksim Belix bo‘lgandi.
Avvallroq “Navbahor” safida Pavel Butenko, Bayramniyoz Berdiyev, Yakmurmurod Annamurodov, Murod Hamroyev, Davlatmurod Otayev, Orif Mirzoyev, Diydor Hojiyev, Mamadali Karadanov, Guvanchmuhammad Ovekov singari turkmanistonlik futbolchilar “Navbahor”da to‘p surgandi.
Shuningdek, “lochinlar”ning Turkiyadagi yig‘inida ishtirok eta olmagan darvozabon Dilshod Hamroyev ham mashg‘ulotlarda ishtirok etmoqda.
