«PSJ» bosh murabbiyi Tomas Tuxel Yevropa chempionlar ligasi 1/8 final bosqichi doirasida bo‘lib o‘tgan «Manchester Yunayted»ga qarshi o‘yin (1:3) borasida o‘z fikrlari bilan o‘rtoqlashdi.

Mag‘lubiyat haqida
«Buni tushuntirish oson. Biz birinchi bo‘limda «MYU»ga ikkita gol sovg‘a qildik. Lekin dastlabki 30 daqiqa davomida o‘yinni to‘liq nazorat qilgandik.

Biz ajoyib o‘ynadik, raqibning birinchi golidan keyin xarakter namoyish qildik. Biz ko‘p vaziyatlar yaratdik, ammo raqibda bunday vaziyatlar bo‘lmadi. Shunga qaramay, ular ikkinchi golni urishdi.

«PSJ» o‘yinni to‘liq nazorat qildi. Bu shunchaki kulgili natija».

Ikkinchi bo‘lim haqida
«Manchester Yunayted» birorta vaziyat yarata olmadi. Kubok doirasida bo‘lib o‘tgan «Gengam»ga qarshi o‘yindan (1:2) keyin ham shunday hissiyotlar bo‘lgandi. O‘shanda hakam bizning darvozamizga 3ta penalti belgilagandi.

«MYU» g‘alaba uchun kelganini his qilmadim, ammo ular buni uddalashdi. Tabriklayman».

Mavsum haqida
«Mavsum barbod bo‘ldimi? Bilmadim. O‘yin yakunlanganiga 20 daqiqa bo‘ldi. Siz esa jiddiy javob kutyapsizmi? Hozir futbolchilarni himoya qilish lozim».

Penalti haqida
«Men VAR tarafdoriman. Nazarimda, to‘p darvoza tomon bormayotgandi. Agar to‘p darvoza tomon bormayotgan bo‘lsa, penalti belgilashdan ma’no yo‘q. Qoidalarga aniqlik kiritib olish kerak», – dedi Tuxel.