«ПСЖ» бош мураббийи Томас Тухель Европа чемпионлар лигаси 1/8 финал босқичи доирасида бўлиб ўтган «Манчестер Юнайтед»га қарши ўйин (1:3) борасида ўз фикрлари билан ўртоқлашди.

Мағлубият ҳақида
«Буни тушунтириш осон. Биз биринчи бўлимда «МЮ»га иккита гол совға қилдик. Лекин дастлабки 30 дақиқа давомида ўйинни тўлиқ назорат қилгандик.

Биз ажойиб ўйнадик, рақибнинг биринчи голидан кейин характер намойиш қилдик. Биз кўп вазиятлар яратдик, аммо рақибда бундай вазиятлар бўлмади. Шунга қарамай, улар иккинчи голни уришди.

«ПСЖ» ўйинни тўлиқ назорат қилди. Бу шунчаки кулгили натижа».

Иккинчи бўлим ҳақида
«Манчестер Юнайтед» бирорта вазият ярата олмади. Кубок доирасида бўлиб ўтган «Генгам»га қарши ўйиндан (1:2) кейин ҳам шундай ҳиссиётлар бўлганди. Ўшанда ҳакам бизнинг дарвозамизга 3та пенальти белгилаганди.

«МЮ» ғалаба учун келганини ҳис қилмадим, аммо улар буни уддалашди. Табриклайман».

Мавсум ҳақида
«Мавсум барбод бўлдими? Билмадим. Ўйин якунланганига 20 дақиқа бўлди. Сиз эса жиддий жавоб кутяпсизми? Ҳозир футболчиларни ҳимоя қилиш лозим».

Пенальти ҳақида
«Мен VAR тарафдориман. Назаримда, тўп дарвоза томон бормаётганди. Агар тўп дарвоза томон бормаётган бўлса, пенальти белгилашдан маъно йўқ. Қоидаларга аниқлик киритиб олиш керак», – деди Тухель.