Yevropa chempionlar ligasining nimchorak final bosqichi doirasida qiziqarli o‘yinlardan biri Myunxen shahrida bo‘lib o‘tdi. «Bavariya» o‘z maydonida «Liverpul»ni qabul qilib, imkoniyatni boy berdi. Vaholanki, Liverpulda bo‘lib o‘tgan dastlabki o‘yinda hisob ochilmagandi.

Bahsning 26-daqiqasida Mane yakkama-yakka vaziyatga chiqib, Noyerni dog‘da qoldirdi. Bo‘lim tugashiga 6 daqiqa qolganida Matip o‘z darvozasini ishg‘ol qilib qo‘ydi va muvozanat tiklandi.

Ikkinchi bo‘limda dastlab van Deyk, bahs so‘ngida Sadyo Mane raqib darvozasini ishg‘ol qilib, "Liverpul"ni chorak finalga olib chiqishdi.

Yevropa chempionlar ligasi, 1/8 final, javob o‘yini
Bavariya Germaniya – Liverpul Angliya 1:3 (1:1, 0:2)
Gollar: 0:1 – 26 Mane, 1:1 – 39, avtogol Matip, 1:2 – 69 van Deyk, 1:3 – 84 Mane.
Bavariya – Noyer, Zyule, Alaba, Rafinya, Xummels, Martines (Goretska, 72), Alkantara, Xames (Sanshesh, 79), Gnabri, Riberi (Koman, 61), Levandovski.
Liverpul – Alisson, Matip, Robertson, Aleksander-Arnold, van Deyk, Milner (Lallana, 87), Xenderson (Fabinyo, 13), Veynaldum, Mane, Salax, Firmino (Origi, 83).
Ogohlantirishlar: Fabinyo (43), Matip (63), Alkantara (65), Sanshesh (83), Robertson (90).
Birinchi o‘yin – 0:0