O‘zbekiston milliy terma jamoasi bosh murabbiyi Fabio Kannavaro ishtirokida OAV vakillari uchun matbuot anjumani bo‘lib o‘tmoqda.

Matbuot anjumani davomida italiyalik mutaxassis o‘zining maoshi atrofida aylanib yurgan turli mish-mishlarga ham nuqta qo‘ydi. U yillik maoshi 4 million yevro ekanligi haqidagi xabarlarni qat’iyan rad etdi:

“Mening yillik maoshim 4 million yevro emas. Ammo bunday noto‘g‘ri ma’lumotlar juda ko‘p takrorlanmoqda va bunga ishonish kerak emas”.

Shu bilan birga, yig‘ilishda Kannavaro o‘zi bilan olib kelgan yordamchi murabbiylarning maoshi qanday to‘lanishiga ham oydinlik kiritildi. Ma’lum qilinishicha, murabbiylar shtabidagi barcha yordamchilarga O‘FA tomonidan alohida maosh to‘lanmaydi.

Ular Kannavaroning shartnomasi doirasida faoliyat yuritadi, ya’ni yordamchilarning oylik haqi bosh murabbiyga belgilangan umumiy mablag‘ hisobidan qoplab beriladi.