"Barselona" hujumchisi Luis Suares "Betis" bilan o‘yin oxirida (4:1) maydonni tark etishga majbur bo‘ldi.
Urugvaylik futbolchi 90-daqiqada jarohat oldi va Koutinyoga almashtirildi.
Suares raqibga pressing qilaman deb o‘ng oyog‘ini qayirib oldi va yiqildi. U maydonni tark etayotib, jarohat olgan oyog‘ini bosa olmadi.
Suares ushbu o‘yinda La ligadagi 128-golini urdi va primerada gol urgan urugvaylik futbolchilar orasida Diyego Forlan bilan birinchi bo‘lib turibdi.