Xabaringiz bor, shu yilning 22-26 mart kunlari U-23 Osiyo chempionati saralashidan o‘rin olgan uchrashuvlar bo‘lib o‘tadi. O‘zbekistonlik bir qator hakamlar mazkur o‘yinlarni boshqarib borish uchun taklif olishgani haqida avval ma’lum qilgan edik.
Jumladan, Sherzod Qosimov va Alisher Usmonov Vyetnamda bo‘lib o‘tadigan saralash bahslariga taklif qilinishgandi. Ular Tayland va Indonziya uchrashuvida ishlashlari aniq bo‘ldi. Sherzod Qosimov o‘yinda bosh hakam, Alisher Usmonov esa laynsmen sifatida ishlaydi. Yana bir qanotda qirg‘izistonlik Zamirbek Chinnibekov faoliyat olib boradi. To‘rtinchi hakam qatarlik Saud Ali Al-Adba.
