Gruziyaning Tbilisi shahrida dzyudo bo‘yicha Gran-pri seriyasiga kiruvchi musobaqa davom etmoqda. Ayni paytga kelib, og‘ir vaznli sportchilar o‘rtasida saralash bahslari yakunlandi.

Unga ko‘ra, kechki dasturda 2 nafar yurtdoshimiz medallar uchun kurashadigan bo‘ldi. -90 kilogramm vazn toifasidagi vakilimiz Davlat Bobonov Gruziya, Polsha, Serbiya vakillarini mag‘lub etib, yarim finalda kubalik raqibiga imkoniyatni boy berdi. Bobonov endi bronza medali uchun mo‘g‘ulistonlik Altanbagana Gantulgaga qarshi kurashadi.

Shuningdek, -100 kilogramm vazn toifasida bahs olib borayotgan Muhammadkarim Xurramov ham bronza medali uchun kurash olib boradi. Xurramov shohsupaga ko‘tarilish uchun italiyalik Juliano Loporchioni mag‘lub etishi kerak.