Chunki bu stadiondan foydalanayotgan klublar ko‘p. “Neftchi”, “Qo‘qon-1912”, “Istiqlol”, “Iftixor”. Vodiyning boshqa jamoalari ham taklif bilan chiqib turibdi.
Yozgacha Andijon, Namangan va Qo‘qonda stadionlar tayyor bo‘lsa, “Istiqlol” ancha yengil nafas olishi mumkin bo‘ladi. Shuningdek, “Iftixor” ham o‘zi to‘p suradigan arenada ta’mirlash ishlarini yakunlashi kerak bo‘ladi.
Yaxshi stadionlarda o‘yin o‘tkazishning shunday muammolari bor. Talabga javob bermaydigan stadionlar ko‘p. Ularga ko‘z yumilavergani uchun ham, bugunga kelib holat shunday. Yana ozgina sabr qilinsa, sifatli maydondan soni ko‘payadi. 2020 yilgi lisenziyalash talabida esa har bir klub ma’lum gektar yer maydoniga “Nasaf” stadioni tajribasidan kelib chiqib, maysa ekishi va uni yil davomida parvarishlashi alohida ko‘rsatiladi. Bu yo‘l orqali zaxira maydonlari, U-21 klublari maydonlari bosqichma-bosqich tartibga keladi.
Diyor Imomxo‘jayev
