Ushbu haftada Superligada 3-tur uchrashuvlari bo‘lib o‘tadi.

Bilasiz, Superliga nomi ostida o‘tadigan 2019 yilgi mavsumidan boshlab, har bir tur uchrashuvlarida jamoalarning qanday rangdagi libosda maydonga chiqishlari Professional futbol ligasi tomonidan belgilab berilmoqda.

Bunda mezbon jamoaning o‘z maydonida muxlislari qarshisida to‘p surishi inobatga olinib, birinchi galda mezbon klubning asosiy rangidagi libosda harakat qilishi ahamiyat kasb etadi. Shu boisdan har bir klub yangi mavsum uchun uy va safar liboslarini bir-biridan keskin farq qiladigan tarzda tanlashlariga urg‘u berildi.

3-turning qiziqarli o‘tishi kutilayotgan uchrashuvlaridan birida “Buxoro” — “Qizilqum” qarama-qarshiligi kuzatiladi. Unda buxoroliklar an’anaviy to‘liq ko‘k rangdagi liboslarda maydonga chiqishadi. Mehmonlar esa oq futbolka, qora shorti hamda oq getrilarda harakat qilishadi. 

Ta’kidlash joiz, “Buxoro” — “Qizilqum” bahsi 7 aprel, yakshanba kuni soat 18:30da bo‘lib o‘tadi.