O‘zbekiston - Vyetnam uchrashuvidan keyin tashkil etilgan matbuot anjumanining ikkinchi qismida Vyetnam terma jamoasi bosh murabbiyi May Dak Chung savollarga javob berib o‘tdi.
“Bugun O‘zbekiston terma jamoasi kuchli o‘yin namoyish qildi. Biz katta qiyinchilikka duch keldik. Raqibimiz taktik jihatdan kuchli ekan. Ko‘p vaziyatlarda omad bizga kulib boqqanini ham aytib o‘tish zarur.
Gonkong va Iordaniya terma jamoalarining o‘yinlarini ko‘rib chiqqanmiz. Ular bilan o‘ynaganmiz ham. Ojiz va kuchli tomonlarini yaxshi bilamiz.
Birinchi bo‘limda ko‘proq himoyalandik. Sababi biz musobaqa mezbonlariga qarshi o‘ynadik. Ikkinchi bo‘limda ko‘proq hujumlarga o‘tdik. Barcha terma jamoalarni hurmat qilamiz. Biz albatta keyingi bosqichga chiqishga harakat qilamiz. Hali vazifa bajarilmadi".
