O‘zbekiston kamondan otish federasiyasi raisi Otabek Imamov ayni kunlarda Turkiyada bo‘lib turibdi. Ushbu tashrifdan ko‘zlangan maqsad ikki mamlakat federasiyalari o‘rtasidagi o‘zaro hamkorlik va do‘stona aloqalarni yanada mustahkamlashdan iborat.

Bugun O.Imamov Turkiya o‘qchilar vaqfi vise-prezidenti Mehmet Fatih Kalender bilan uchrashib, bir qator istiqbolli mavzular yuzasidan muzokara olib bordi. Unda ikki terma jamoa vakillari o‘quv-mashg‘ulot yig‘inlarini yanada ko‘proq o‘tkazish, tajriba almashish borasida ijobiy kelishuv amalga oshdi. Suhbat yakunida O‘zbekiston kamondan otish federasiyasi raisi iliq qabul uchun tashakkur aytgan holda Turkiya o‘qchilar vaqfi vise-prezidenti Mehmet Fatih Kalenderga federasiyaning esdalik sovg‘alarini topshirdi.

Eslatib o‘tamiz, ayni paytda ushbu sport turi bo‘yicha terma jamoamiz vakillari o‘quv-yig‘in mashg‘ulotini yakunlashdi va Antalya shahrida start olgan xalqaro musobaqada ishtirok etish uchun shay bo‘lib turishibdi.