Fransiya chempionatining 32-turidan o‘rin olgan «Dijon» va «Amyen» klublari o‘rtasidagi o‘yinda noxush voqea yuz berdi.

Sky Sports xabariga ko‘ra, 78-daqiqada bosh hakam Karim Obid mehmon jamoaning qoratanli futbolchilariga nisbatan fanatlar tomonidan irqchilik ruhidagi qichqiriqlar yog‘idirilgani bois, o‘yinni to‘xtatishga qaror qildi.

Tanaffus 5 daqiqa davom etdi va shundan so‘ng o‘yin davom ettirildi. Bahsda hisob ochilmadi.

Fransiya futbol federasiyasi mojaro yuzasidan surishtiruv o‘tkazishini ma’lum qildi.