“Lokomotiv” – “Al-Ittihod” uchrashuvidan keyingi matbuot anjumanining ikkinchi qismida mezbonlar bosh murabbiyi Andrey Fyodorov qatnashdi.

– Yigitlarning o‘yinidan qoniqdim. Bir haftada uchinchi o‘yinimizni o‘tkazdik. Ikkinchi taymni faol boshlagandik, afsuski chetlatish barcha rejalarimizni buzib yubordi. Mana shunday o‘yinlar ko‘proq bo‘lsa yaxshi bo‘lardi. “Buxoro”ga qarshi o‘yinda ham ba’zi bir o‘yinchilarimizning sog‘lig‘ida muammolari bor edi. Shuning uchun ham bugun hujumda sustroq o‘ynadik.

Javohir Ilyosov: – O‘yin qiziq bo‘ldi deb o‘ylayman. Ikkala jamoa ham yutib ketishi mumkin edi. Muxlislarga yoqadigan o‘yin bo‘ldi. O‘tgan o‘yinlardagi hayajonning sababi tajribam kamligida edi, OCHLda debyut qilayapman. O‘yindan o‘yinga tajriba to‘plab boramiz.