Italiya kubogining yarim final bosqich doirasida javob o‘yini bo‘lib o‘tdi. «Milan» o‘z maydonida «Lasio»ni qabul qilib, kichik hisobda imkoniyatni boy berdi.

Uchrashuv davomida rimliklar ko‘proq g‘alaba qozonishga intilishdi va xavfli vaziyatlarni ko‘proq yaratishdi. Pepe Reyna darvozani yaxshi qo‘riqlagani uchun hisob yirik ko‘rinish olmadi. Faqatgina 58-daqiqasida "Milan" burchak to‘pini muvaffaqiyatsiz amalga oshirishi natijasida "Lasio" futbolchilari qarshi hujumga o‘tib ketishdi va Xoakin Korrea raqib darvozasini ishg‘ol qildi.

Oradan 10 daqiqa o‘tib "rossoneri" hisobni tenglashtirishi mumkin edi. Ammo Pyontek bosh bilan yo‘llagan zarbaga biroz aniqlik yetishmadi.

Rimda bo‘lib o‘tgan dastlabki o‘yinda hisob ochilmagan edi. Shu bois, "Lasio" Italiya kubogi finaliga yo‘l oldi. Jamoa hal qiluvchi o‘yinni «Atalanta» - «Fiorentina» juftligi g‘olibiga qarshi o‘tkazadi.

Italiya kubogi, yarim final
Milan – Lasio 0:1 (0:0, 0:1)
Gol: 0:1 – 58 Korrea.
Milan – Reyna, Kaldara (Kutrone, 65), Romanyoli, Kalabriya (Konti, 40), Musakkyo, Bakayoko, Laksalt, Kastilyexo (Chalxanoglu, 57), Kessie, Suso, Piontek.
Lasio – Strakosha, Luis Felipe, Acherbi, Bashtush, Romulo, Luis Alberto (Badel, 85), Lulich, Korrea (Kaysedo, 75), Milinkovich-Savich (Parolo, 15), Leyva, Immobile.
Ogohlantirishlar: Luis Felipe (37), Musakkyo (70), Kaysedo (78), Bakayoko (79).
Birinchi o‘yin: 0:0.