O‘zbekiston Professional futbol ligasi Sport musobaqalarini o‘tkazish va klublarni nazorat qilish boshqarmasi bir necha uchrashuvlar yakuniga ko‘ra sariq kartochkalari soni to‘rttaga etgan va navbatdagi tur o‘yinlarini o‘tkazib yuborishi lozim bo‘lgan futbolchilar ro‘yxatini ma’lum qildi. 

Unga ko‘ra, “Paxtakor-W” ayollar jamoasi a’zosi Zuxra Halikova kelasi tur o‘yinini o‘tkazib yuboradi. “Paxtakor-W” jamoasining 5-turda o‘yini yo‘q ekani sabab ushbu futbolchi 6-tur doirasidagi bahsda maydonga tusha olmaydi.