“Chelsi” Yevropa Ligasi finalida “Arsenal”ni yirik 4:1 hisobida taslim etdi. Uchrashuvdagi dastlabki golga “arristokratlar” hujumchisi Olivye Jiru mualliflik qildi.

Bu 32 yoshli hujumchi uchun joriy mavsum musobaqadagi 11 goli bo‘ldi. Shu tariqa Jiru musobaqaning joriy mavsumdagi to‘purariga aylandi.

Qolaversa, Jiru yevrokuboklarda bir mavsumda eng ko‘p gol urgan fransiyalik futbolchiga aylandi. Avval bu rekordi Jyust Fontenga tegishli edi. U “Reyms” safida 1958/59 yilgi mavsumda 10ta gol urgandi.