Final uchrashuvi boshlanishiga ham oz fursat qoldi. Futbolchilar tomonidan berilgan so‘nggi intervyularni siz uchun ilindik. O‘qing va futbol atmosferasini chuqurroq xis eting
Pochetino
Men uchun Keyn va Salah bir-birini qaytarmaydigan super yulduzlar. Ularni solishtirishni istamagan bo‘lar edim. Sababi, Keyn mening jamoamda to‘p surgani bois unga ko‘proq yon bosishim tayin. Men uni maqtab Salahni yerga urish niyyatim yo‘q. Salah hozirgi kunda sayyoramizning eng iqtidorli futbolchilaridan biri. Shunday bo‘lsada, bizda Keyn bor ekanligi kishini xursand qiladi!
Deli Alli
Salah top darajadagi futbolchi, biroq biz ham top saviyadagi futbolchilarmiz. Aks holda biz ham finalgacha yetib kelmagan bo‘lar edik. Salah katta shov-shuv va e’tiborga loyiq futbol namoyish etmoqda. Buning sababi, u va Keyn doimo hujum chizig‘ida harakat qiladi. Aynan, shu sababli ular hammaning e’tiborida bo‘lishadi. «Liverpul»ning hujum chizig‘I daxshatli ko‘rinayotgan bo‘lsada, o‘z hujumchilarimizga ishonishda davom etamiz.
Deni Rouz
Men Salah haqidagi fikrlarimni final uchrashuvidan so‘ng aytaman. Sababi, sen butun mavsumni ajoyib o‘tkazishing mumkin, biroq hal qiluvchi uchrashuvlarda o‘ziningni ko‘rsata olmasang, hammasi puchga chiqadi. Agarda biz Salahni to‘liq yopishni uddasidan chiqsak va chempionlikni qo‘lga kiritadigan bo‘lsak, Salahning ajoyib mavsum o‘tkazgani to‘grisida hech kim eslab ham o‘tirmaydi! Futbol shunday beshafqat sport.
Harriy Keyn
Biz Salahdan cho‘chimaymiz. Uning iqtidoriga shubhamiz yo‘q, biroq u bu mavsumda hech narsa qila olmadi. To‘g‘ri, o‘tgan mavsumda uning o‘yinlari shunchaki bomba edi. Bu mavsumda esa u yo‘q bo‘lib qoldi. «Liverpul» nimaga erishgan bo‘lsa, bu Klopp va uning jamoasiga tegishli!
