O‘zbekiston milliy terma jamoasi 7 va 11 iyun kunlari Toshkentda KXDR va Suriya terma jamoalariga qarshi o‘rtoqlik o‘yini o‘tkazishidan xabaringiz bor.
Mazkur uchrashuvlarni yuqori saviyada tashkil etish va uchrashuvga tashrif buyuradigan ishqibozlarga qulayliklar yaratish maqsadida O‘zbekiston futbol assosiasiyasi bir qator loyiha va tashabbuslarni amalga oshirmoqda.
Jumladan, endilikda O‘zbekiston futbol assosiasiyasi hamda TOP FOOD savdo belgisi o‘rtasida yo‘lga qo‘yilgan hamkorlik doirasida terma jamoamiz ishtirokidagi uchrashuvlar paytida “Milliy” stadionda muxlislar uchun maqbul narxlarda yegulik va salqin-ichimliklar savdosi tashkil etiladi. Stadionga kelgan ishqibozlar stadionning turli burchaklarida o‘rnatiladigan savdo shaxobchilari bilan bir qatorda tribuna sektorlarida ham yegulik, kofe va boshqa ichimliklar harid qilishlari mumkin bo‘ladi. Bunda mahsulotlarning xilma-xil bo‘lishi hamda narxlarning arzon bo‘lishi inobatga olingan.