O‘zbekiston futbol assosiasiyasi tomonidan hududiy bolalar-o‘smirlar futbol akademiyalari tarbiyalanuvchilari orasida futbol hakamligi bilan shug‘ullanish istagida bo‘lgan yoshlarni har tomonlama qo‘llab-quvvatlash, xalqaro musobaqalarda faoliyat olib boradigan iqtidorli hakamlarni hozirdan tayyorlab borish maqsadida bir qator chora-tadbirlar amalga oshirilmoqda.
Aynan shu maqsadda Surxondaryo viloyati bolalar-o‘smirlar futbol akademiyasida shu mavzuda seminar tashkil qilindi.
Seminar savol-javob tarzida tashkil etildi. Akademiya tarbiyalanuvchilariga hakamlik kasbining o‘ziga xos tomonlari haqida gapirib berildi. Shuningdek, hakamlik bilan shug‘ullanishni istagan tarbiyalanuvchilar qaysi jihatlarga e’tibor qaratishlari zarurligi ta’kidlanib, hakamlik uchun nomzodlarni tanlab olishda e’tibor qaratiladigan mezonlar haqida tushuntirildi.
