Davron Shoqurbonov O‘zbekiston Professional futbol ligasining yangi direktori lavozimini egallaydi. Bu haqda GoSport.uz internet-nashri manbalari xabar bermoqda.
Shoqurbonov bugun iste’foga chiqqan Omon G‘ofurovning o‘rnini egallaydi.
Ma’lumotlarga ko‘ra, mazkur lavozim uchun bir yo‘la uch nafar nomzod ko‘rib chiqilgan. Eng asosiy nomzodlar qatorida Malayziyada OFK Musobaqalar tashkil qilish va o‘tkazish Departamenti Terma jamoalar boshqarmasi boshlig‘i lavozimida ishlayotgan Avaz Berdiqulov taklif qilingan. Ammo Berdiqulov OFKdagi ishi sabab bu taklifga rad javobini bergan.
Shu boisdan PFL oxirgi variant sifatida Davron Shoqurbonov nomzodiga to‘xtalgan.
Ma’lumot uchun, 47 yoshli Davron Shoqurbonov uzoq yillardan buyon Toshkentning «Bunyodkor» klubida turli lavozimlarda faoliyat ko‘rsatib kelgan. Bungacha esa Shoqurbonov qanot hakami sifatida faoliyat olib borgan. U O‘zbekistonda birinchilardan bo‘lib FIFA assistenti nomini qo‘lga kiritgan
