Ushbu rukndagi qiziqarli ma’lumotlar bilan o‘rtoqlashishda davom etamiz.

«Manchester Yunayted» o‘z futbolchisidan qutulmoqchi

«Qizil iblilsar» Markos Roxoni sotib yuborish niyatida uni transfer marketga qo‘ydi. Argentinalik himoyachining taxminiy transfer qiymati 25 million yevroni tashkil etadi.
 Hozirda «ko‘hna qit’a» klublari orasida uni sotib olishni istaydigan xaridorlar topilsada, futbolchining baland maoshi tufayli uni xarid qilishdan bosh tortishmoqda. Himoyachi «Manchester Yunayted» klubida yiliga 8 million yevro maosh oladi.
«Manchester Yunayted» o‘z futbolchisini bir nechta Xitoy klublariga taklif qilgan bo‘lsada, futbolchining o‘zi klubdan ketmoqchi emas. Agarda vaziyat shu ko‘rinishda davom etsa, Roxoning kelajagi so‘roq ostida qoladi!

APLga qaytganlar kurashi

Bu mavumda uzoq kutilgan elitadan to‘p surish baxtiga muyassar bo‘lgan «Sheffild Yunayted» «Brenford» klubi hujumchisi Nila Mopeni o‘z safiga qo‘shib olish uchun kurashga kirishdi. 22 yoshlik fransuz uchun APLga qaytgan yana bir klub – «Aston Vila» ham kurash olib borayotgan edi.
«Brenford» hujumchisini 16,5 million atrofida baholamoqda.
Yakunlangan mavsumda futbolchi 43 ta uchrashuvda maydonga tushib raqiblari darvozasini 25 bor ishg‘ol qildi va 9 ta assist qayd etdi.
Ma’lumot o‘rnida shuni aytish joizki, «Shefild Yunayted» klubi bundan bir necha kun avval o‘z safini sobiq «Everton» futbolchisi Fil Jagaelka bilan to‘ldirib oldi.

Leonardo Neymarni tanqid qildi

«PSJ» klubi sport direktori Leonardo Neymarni sotib yuborish borasida ilk bor rasmiy bayonot bilan chiqdi. Unda quyidagi so‘zlar bitilgan edi:

“Dushanba kuni Neymar mashg‘ulotlarga kelishi kerak edi, lekin biz uni mashg‘ulotlarda ko‘rmadik. U yetib kelishi shart ekanligini juda yaxshi bilar edi. Biz uning qilgan ishi uchun kerakli choralarni qo‘llaymiz.
Neymar bu ishi bilan klubdan ketgisi borligini namoyon qildim deb o‘ylayotgan bo‘lsa, adashadi. Bu o‘zi shundoq ham hammaga ma’lum bo‘lib ulgurdi. Biz so‘nggi chora sifatida u va uning atrofidagilar bilan muzokalar o‘tkazishga harakat qilamiz.  U biz bilan 3 yillik shartnomasi borligini unutmasligi zarur. Eng qizig‘i shundaki, unga birorta klub taklif bilan chiqqanicha yo‘q.
Agarda qaysidir futbolchi boshqa klubga o‘tishni istasa, bu normal xolat, lekin uning mashg‘ulotlarga kelmasligini kechirib bo‘lmaydi. Mening jaxlimni chiqargan narsa ham aynan shu!
Neymar borasida birorta jiddiy taklif kelib tushganicha yo‘q. To‘g‘ri,  «Barselona» bilan og‘zaki suhbat qurdik, lekin  bu hech narsani anglatmaydi.

«Bavariya» himoyachi sotib olmoqchi

Myunhenning «Bavariya» jamoasi «Monako» klubi himoyachisi sanaladigan Benjamin Xenriksni xarid qilish niyatida.
Qanot himoyachisi asosiy tarkibdagi joyini boy berib qo‘ygach, zahiradan o‘rin olishi mumkin. Gap shundaki, fransuz klubi Benjaminning pozisiyasiga Ruben Agilarni xarid qildi va keyingi mavsumda aynan shu futbolchiga ishonch bildirishni niyat qilgan.
«Bavariya» himoyachi uchun 25 million yevro taklif qilgan bo‘lsada, «Monako» o‘z futbolchisini 35 milliondan kamiga sotmasligini e’lon qildi.