Portugaliyalik super yulduz yakunlangan mavsumda sovrinlarga ega chiqdi va «Yuventus» klubi muxlislarining e’tiborini qozondi. Bugun bu mavsumda unga «oltin to‘p»ni olishda qo‘l kelishi mumkin bo‘lgan jihatlar haqida so‘z boradi
Ronaldu hammasini boshidan boshladi
Yoshi 30 dan oshib ketgan futbolchilarning aksari grand klublar bilan uzoq muddatli shartnoma imzolashga harakat qilishlari yoki katta pul ishlash maqsadidi kuchsizroq chempionatlarga yo‘l olishi hech kimga sir emas, lekin Ronaldu o‘zi uchun mushkul bo‘lsada samarali yo‘lni tanlashdan cho‘chimagani kishini quvontiradi.
Ronaldu chempionatni, o‘zi yashaydigan davlatni, urf – odatlarni, tilini barcha –barcha narsani almashtirganiga qarmasdan, kerakli natijaga erisha oldi va «A» Ceriyaning eng yaxshi futbolchisiga aylandi. «Oltin to‘p» uchun asosiy da’vogarlik qilayotgan Messi qanchalar sermahsul mavsumni o‘tkazmasin, u portugaliyalik futbolchi singari hammaning e’tibor markazida turgani yo‘q. Uning «Barsa» safidagi uzoq yillik karerasi davomida jamoadoshlarga suyanib o‘ynaydi degan fikr ta’qib qilishdan to‘xtamayapti…
Ronalduning transferi juda katta shov –shuvga sabab bo‘ldi va uning yangi jamoa libosida, boshqa klubda qanday to‘p surishi juda katta qiziqsh bilan kuzatildi. Bu esa, Messining fantastic statistikasidan ko‘ra ko‘proq muhokama qilindi va bu ovoz berish jarayonida juda katta rol o‘ynashi aniq!
Ronaldu «Yuventus» yetakchisi
Ronalduning boshqa klubga o‘tishi ham boshqa futbolchilarnikidan keskin farq qildi. Yangi futbolchi boshqa bir jamoaga borib qo‘shilgach, jamoaning o‘yiniga moslashsa, Alegri «Yuventus»ni Ronalduga moslashtirishga harkat qildi va buni uddasidan chiqdi. KR7 atrofida qurilgan «Yuventus» ketma – ket 8 – bor chempionlikni nisholadi va Ronaldu top 5 chempionatlar sirasiga kiruvchi musobaqalarning 3 tasida g‘alaba qozongan kam sonli futbolchilardan biriga aylandi. Aynan shu faktor futbolchiga bo‘lgan qiziqshning keskin ko‘tarilishiga sabab bo‘lmoqda. Bundan tashqari Ronaldu «Yuventus» safidagi o‘yinlari bilan jamoaning yetakchsiga aylanib oldi. Bir mavsum davomida nafaqat Turin balki, butun Italiya Ronalduning muxlisiga aylanib qoldi. U ishtirok etgan uchrashuvlarda raqib muxlislari ham uning harakatlarini qarsaklar bilan qarshi ola boshlashdi. Ayniqsa YECHL bahslaridagi «Yuventus»ning yurishi Ronalduning jamoa yetakchsi ekanligini yana bir bor osbotlab qo‘ydi. To‘g‘ri, «Yuventus» «Ayaks» to‘sig‘idan o‘ta olmadi, lekin o‘sha uchrashuvlarda Ronaldu ikki bor gol kiritdi va o‘z imkoniyatlari darjasida harkat qildi. Balki shu sabab muxlislar YECHLdagi omadsizlikda Ronalduni ayblashmadi. O‘zining noziktabligi bilan boshqalardan ajralib turadigan «Yuventus» tifozilarining istalganidan klub yetakchsi kim deb so‘rang? Ular so‘ssiz Ronaldu deb javob berishadi.
Ovoz berish jarayonida ishtirok etadigan mutaxassislar Ronalduga «Yuventus»ning yangi o‘yinchisi sifatida emas, jamoaning, «A seriya»ning chinakam yetakchsi sifatida qarashlari turgan gap!
«Italiyada bunday hurmatni va xalq mehrini Ronaldudan avval so‘nggi bor Maldini qozongan edi»
Allegri
Ronaldu Portugaliya qaxramoni
Portugaliya dunyo futboliga ko‘plab super iqtidor egalarini yetkazib bergan. Bu terma jamoa safida kimsan Eisebiyo, Luish Figo, Rui Kosta singari futbol olamini titratib yuborgan futbolchilar to‘p surgan bo‘lsada, ular xaqlning orzusini amalga oshira olishmagan, doimmo 3 yo 2 – o‘rin bilan katta musobaqalardan ortga qaytishga o‘rganib ham qolishgan edi. Oradan biroz fursat o‘tib katta sahnaga Ronaldu chiqdi va u hammasini o‘zgartirib yubordi. Avvaliga qit’a chempionligini qo‘lga kiritgan Krish yakunlangan mavsumda «Millatlar Ligasi» musobaqasining ilk chempioni sifatida yangi tarix yaratdi. Eng qizig‘I shundaki, u finalda «oltin to‘p» sovrini uchun asosiy da’vogarlardan biri bo‘lgan Virjil van Deykning jamoasiga qarshi to‘p surdi va Portugaliya haqli ravishda uchrashuvda g‘alaba qozondi. O‘yindan so‘ng shaxsan Virjilning o‘zi Ronalduning manziliga ilq so‘zlar yo‘llaganidan xabaringiz bor. Uning «oltin to‘p» uchun yana bir raqobatchisi Messi «Kopa Amerika» musobaqasida aytarli hech narsa ko‘rsata olmadi. To‘g‘ri u bronza medallarga ega chiqdi biroq, o‘yindan so‘ng «Konmebol»ni keskin tanqid qildi muommolarga o‘rlashib qoldi. Bir qarashda Messining so‘zlari haqiqat bo‘lsada, bu uning foydasiga ishlamasligi aniq.
Xulosa
Bu shunchaki «Oltin to‘p» sovrinini qo‘lga kiritishda qo‘l kelishi mumkin bo‘lgan jihatlar edi xolos. Eng so‘nggi so‘zni ovoz beruvchi insonlar aytishadi. Biz esa, yakunlangan futbol mavsumini xotirladik xolos.
Я . У
