Португалиялик супер юлдуз якунланган мавсумда совринларга эга чиқди ва «Ювентус» клуби мухлисларининг эътиборини қозонди. Бугун бу мавсумда унга «олтин тўп»ни олишда қўл келиши мумкин бўлган жиҳатлар ҳақида сўз боради
Роналду ҳаммасини бошидан бошлади
Ёши 30 дан ошиб кетган футболчиларнинг аксари гранд клублар билан узоқ муддатли шартнома имзолашга ҳаракат қилишлари ёки катта пул ишлаш мақсадиди кучсизроқ чемпионатларга йўл олиши ҳеч кимга сир эмас, лекин Роналду ўзи учун мушкул бўлсада самарали йўлни танлашдан чўчимагани кишини қувонтиради.
Роналду чемпионатни, ўзи яшайдиган давлатни, урф – одатларни, тилини барча –барча нарсани алмаштирганига қармасдан, керакли натижага эриша олди ва «А» Cериянинг энг яхши футболчисига айланди. «Олтин тўп» учун асосий даъвогарлик қилаётган Месси қанчалар сермаҳсул мавсумни ўтказмасин, у португалиялик футболчи сингари ҳамманинг эътибор марказида тургани йўқ. Унинг «Барса» сафидаги узоқ йиллик карераси давомида жамоадошларга суяниб ўйнайди деган фикр таъқиб қилишдан тўхтамаяпти…
Роналдунинг трансфери жуда катта шов –шувга сабаб бўлди ва унинг янги жамоа либосида, бошқа клубда қандай тўп суриши жуда катта қизиқш билан кузатилди. Бу эса, Мессининг фантастиc статистикасидан кўра кўпроқ муҳокама қилинди ва бу овоз бериш жараёнида жуда катта роль ўйнаши аниқ!
Роналду «Ювентус» етакчиси
Роналдунинг бошқа клубга ўтиши ҳам бошқа футболчиларникидан кескин фарқ қилди. Янги футболчи бошқа бир жамоага бориб қўшилгач, жамоанинг ўйинига мослашса, Алегри «Ювентус»ни Роналдуга мослаштиришга ҳаркат қилди ва буни уддасидан чиқди. КР7 атрофида қурилган «Ювентус» кетма – кет 8 – бор чемпионликни нишолади ва Роналду топ 5 чемпионатлар сирасига кирувчи мусобақаларнинг 3 тасида ғалаба қозонган кам сонли футболчилардан бирига айланди. Айнан шу фактор футболчига бўлган қизиқшнинг кескин кўтарилишига сабаб бўлмоқда. Бундан ташқари Роналду «Ювентус» сафидаги ўйинлари билан жамоанинг етакчсига айланиб олди. Бир мавсум давомида нафақат Турин балки, бутун Италия Роналдунинг мухлисига айланиб қолди. У иштирок этган учрашувларда рақиб мухлислари ҳам унинг ҳаракатларини қарсаклар билан қарши ола бошлашди. Айниқса ЕЧЛ баҳсларидаги «Ювентус»нинг юриши Роналдунинг жамоа етакчси эканлигини яна бир бор осботлаб қўйди. Тўғри, «Ювентус» «Аякс» тўсиғидан ўта олмади, лекин ўша учрашувларда Роналду икки бор гол киритди ва ўз имкониятлари даржасида ҳаркат қилди. Балки шу сабаб мухлислар ЕЧЛдаги омадсизликда Роналдуни айблашмади. Ўзининг нозиктаблиги билан бошқалардан ажралиб турадиган «Ювентус» тифозиларининг исталганидан клуб етакчси ким деб сўранг? Улар сўссиз Роналду деб жавоб беришади.
Овоз бериш жараёнида иштирок этадиган мутахассислар Роналдуга «Ювентус»нинг янги ўйинчиси сифатида эмас, жамоанинг, «А серийа»нинг чинакам етакчси сифатида қарашлари турган гап!
«Италияда бундай ҳурматни ва халқ меҳрини Роналдудан аввал сўнгги бор Малдини қозонган эди»
Аллегри
Роналду Португалия қахрамони
Португалия дунё футболига кўплаб супер иқтидор эгаларини етказиб берган. Бу терма жамоа сафида кимсан Эисебио, Луиш Фиго, Руи Коста сингари футбол оламини титратиб юборган футболчилар тўп сурган бўлсада, улар хақлнинг орзусини амалга ошира олишмаган, доиммо 3 ё 2 – ўрин билан катта мусобақалардан ортга қайтишга ўрганиб ҳам қолишган эди. Орадан бироз фурсат ўтиб катта саҳнага Роналду чиқди ва у ҳаммасини ўзгартириб юборди. Аввалига қитъа чемпионлигини қўлга киритган Криш якунланган мавсумда «Миллатлар Лигаси» мусобақасининг илк чемпиони сифатида янги тарих яратди. Энг қизиғИ шундаки, у финалда «олтин тўп» соврини учун асосий даъвогарлардан бири бўлган Виржил ван Дейкнинг жамоасига қарши тўп сурди ва Португалия ҳақли равишда учрашувда ғалаба қозонди. Ўйиндан сўнг шахсан Виржилнинг ўзи Роналдунинг манзилига илқ сўзлар йўллаганидан хабарингиз бор. Унинг «олтин тўп» учун яна бир рақобатчиси Месси «Копа Америка» мусобақасида айтарли ҳеч нарса кўрсата олмади. Тўғри у бронза медалларга эга чиқди бироқ, ўйиндан сўнг «Конмебол»ни кескин танқид қилди муоммоларга ўрлашиб қолди. Бир қарашда Мессининг сўзлари ҳақиқат бўлсада, бу унинг фойдасига ишламаслиги аниқ.
Хулоса
Бу шунчаки «Олтин тўп» совринини қўлга киритишда қўл келиши мумкин бўлган жиҳатлар эди холос. Энг сўнгги сўзни овоз берувчи инсонлар айтишади. Биз эса, якунланган футбол мавсумини хотирладик холос.
Я . У
