15-tur doirasida bo‘lib o‘tgan AGMK-"Andijon" jamoalari o‘rtasidagi uchrashuvdan keyin o‘tkazilgan matbuot anjumanining birinchi qismida "Andijon" jamoasi bosh murabbiyi Aleksandr Xomyakov jurnalistlar savollariga javob qaytardi.
Ikki ochko yo‘qotdik. Lekin, bir tarafdan olib qaraganda, AGMK jamoasi bilan safarda durang o‘ynash yomon natija emas. Biroq, ikki to‘p farqi bilan oldinda borib, yakunda durang o‘ynash juda alamli bo‘ladi. Tan olib aytaman, juda g‘azabdaman. Tayyor g‘alabani qo‘ldan chiqardik. Shogirdlarimning ko‘rsatgan o‘yini uchun ularga minnatdorchilik bildiraman. Afsuski, g‘alaba qozona olmadik.
- Birinchi davradagi "Andijon" bilan hozirgisini qanday farqi bor?
- Bugun himoyaga urg‘u bergan holda o‘ynadik. Tezkorlik bilan oldinga o‘tib, raqibni jazolash asosiy maqsadimiz edi. Qaysidir ma’noda o‘ylagan rejamizni amalga oshira oldik. Birinchi davrada esa ochiq o‘yin namoyish etganimiz uchun raqibda ko‘p bo‘sh zonalarda egalik qilish uchun imkoniyat bo‘lgandi. Qaytarib aytaman, hozir juda g‘azabdaman.
- Hali transfer oynasi yopilmadi. Mish-mishlarga qaraganda, jamoani Dilshod Rahmatullayev tark etayotgan ekan. Agar Dilshod ketsa, uning o‘rnini bosadigan futbolchi bormi?
- To‘g‘ri, mish-mishlarni men ham eshitdik. Lekin, umid qilamanki, Dilshod Rahmatullayev jamoamizda qoladi. Shu o‘rinda bizni stadionda qo‘llab-quvvatlab turgan muxlislarimizga alohida minnatdorchiligimni bildiraman.
