«Barselona» hujumchisi Lionel Messi "ko‘k-anorranglilar"ning AQSHdagi yig‘inida ishtirok etmaydigan bo‘ldi.
Argentinalik futbolchi mashg‘ulot paytida o‘ng oyog‘idan jarohat oldi. Hozircha klub uning qachon safga qaytishi mumkinligi haqida xabar bermadi.
«Barselona» bugun AQSHga yo‘l oladi. Kataloniyaliklar Mayami va Michigan shaharlarida 7 va 11 avgust kunlari «Napoli»ga qarshi o‘rtoqlik o‘yinlarini o‘tkazadi. Katta ehtimol bilan Messi mazkur o‘yinlarda ishtirok etmaydi.
«Barselona» Ispaniya La ligasining dastlabki tur bahsini 17 avgust kuni Bilbaoda «Atletik»ga qarshi o‘tkazadi.