Tallin shahrida davom etayotgan sport kurashlari bo‘yicha yoshlar o‘rtasida jahon chempionati qizg‘in pallasiga kirmoqda. E’tiborlisi, ayollar kurashi bo‘yicha ham terma jamoamiz vakillari shohsupaga ko‘tarilish imkoniyatini saqlab turishibdi. -76 kilogramm vazn toifasida bahs olib borayotgan vakilamiz Muxlisa Normo‘minova chorak finalda kubalik raqibasiga imkoniyatni boy berib qo‘ydi. Biroq Milaymis Potrille (Kuba) finalgacha yetib borgach hamyurtimizda bronza medali uchun kurashish imkoniyati saqlab qolindi.
Kurashchimiz dastlabki o‘tish bellashuvida Hindiston va Yaponiya termasi vakilalarining bahsi g‘olibiga qarshi ishtirok etadi. Bo‘lajak bellashuv Normo‘minovaning g‘alabasi bilan yakunlansa, bronza medali uchun kurashda xitoylik Sian Jiang kutib turibdi. Shuningdek, yana bir qator vakilalarimiz saralash bahslarida ishtirok etishadi:
-53 kg: Shohida Ahmedova – Yeji Min (Janubiy Koreya)
-62 kg: Ariuxon Jumabayeva – Irina Rignachi (Moldaviya)
-65 kg: Dinora Rustamova – Tina Tina (Hindiston)
-72 kg: Svetlana Oqnazarova – Yevgeniya Zaxarchenko (Rossiya)