Portugaliya terma jamoasi hujumchisi Krishtianu Ronaldu 2026 yilgi jahon chempionati K guruhi 2-turida O‘zbekiston ustidan qozonilgan yirik g‘alabadan (5:0) so‘ng o‘z fikrlarini bildirdi.
Ronalduning ta’kidlashicha, jamoa o‘yini va ishonchli harakatlari natijaga asosiy ta’sir ko‘rsatgan.
“Men juda xursandman. Lekin men uchun eng muhimi — bu biz bajarayotgan ish va namoyish etgan ishonchimiz. Jamoa juda yaxshi o‘yin ko‘rsatdi va sezilarli darajada o‘sdi. Aytishlaricha, har qanday qiyin vaziyatda ham umid nurini ko‘rish mumkin. Albatta, shaxsan men uchun rekordlar yoqimli, lekin asosiy maqsadim — milliy jamoaga o‘z vazifalarini bajarishda yordam berish”, — dedi Ronaldu FIFA rasmiy saytiga bergan izohida.
Eslatib o‘tamiz, ushbu o‘yinda Ronaldu 6 va 39-daqiqalarda gol urdi. Shu orqali u jahon chempionatlari tarixida Portugaliya terma jamoasining eng yaxshi to‘purariga aylandi — uning hisobida 10 ta gol bor.













