«Barselona» sardori Lionel Messi hamon maydonga tushishga tayyor emas. Bu haqda Sport.es nashri xabar tarqatdi.

Manbaga ko‘ra, argentinalik futbolchi oyog‘ining to‘piq qismidagi mushagidan olgan jarohat tufayli hanuzgacha og‘riq his qilmoqda. Jarohat kuchayib ketmasligini uchun "ko‘k-anorranglilar" murabbiylar shtabi 32 yoshli futbolchini «Valensiya»ga qarshi 4-tur bahsi uchun qaydnomaga kiritmaslikka qaror qildi.

Messi bungacha La liganing dastlabki 3ta turida bo‘lib o‘tgan «Atletik» (0:1), «Betis» (5:2) va «Osasuna» (2:2)ga qarshi o‘yinlarni o‘tkazib yuborgan edi. «Barselona» – «Valensiya» o‘yini 14 sentyabr kuni tungi soat 00:00da boshlanadi.