"Lokomotiv" - "Metallurg" o‘yinidan keyin o‘tkazilgan matbuot anjumanining ikkinchi qismida mezbonlar bosh murabbiyi Samvel Babayan ishtirok etdi.

— "Lokomotiv" uchun barcha o‘yinlar og‘ir kechayapti. Hamma raqiblarimizga bizga qarshi so‘nggi o‘yinga chiqayotgandek tayyorlanishadi, nazarimda. Qimmatli ochkolarni boy berayotganimizda o‘zimizning ham aybimiz bor. Zaxira o‘rindig‘imizda kuchlar bilan raqibni mag‘lub eta olmayapmiz. Bugun ikki xil taym o‘tkazdik. Birinchi taymda to‘pni nazorat qildik. Hisobni ochdik, vaziyatlarga ega bo‘ldik. Ammo ikkinchi taymda negadir o‘yinimizni yo‘qotib qo‘ydik. Bundan tashqari terma jamoalarga chaqirilgan futbolchilarimiz turlicha holatlarda yetib kelishdi. Tanaffus paytida futbolchilarga oxirigacha kurashish lozimligini uqtirgandik. Afsuski, ular ko‘rsatmalarni mukammal bajara olishmadi. Natijada qimmatli ochkolardan mahrum bo‘ldik. Bu uchrashuv bizga saboq bo‘ladi. Biz taslim bo‘lmaymiz, oxirigacha kurashishda davom etamiz.