Superliga 20-turida "Sherlar" Bekobodda "Metallurg" mehmoni bo‘lishadi.
Jamoalar safida uchrashuvni diskvalifikasiya sababli o‘tkazib yuboradigan futbolchilar yo‘q.
"Lokomotiv" Qo‘qondagi bahsda ochko yo‘qotgan taqdirda jamoamiz 20-turdayoq 12-chempionlikni rasmiylashtirishi mumkin. Buning uchun yaqin ta’qibchining ochko yo‘qotib, Bekobodda "Paxtakor"ning g‘alaba qozonishi talab etiladi. Chempionlik uchun jamoamizga kamida 5 ochkoni qo‘lga kiritish yoki ta’qibchining ochko yo‘qotishi hamda bir g‘alaba kerak bo‘ladi.
Chempionatlarda jamoalar 45 marta to‘qnash kelishgan. Ularning 37tasida "Sherlar" g‘alabaga erishgan bo‘lsa, 4 bahsda kuchlar teng kelgan va yana 4 o‘yinda raqib muvaffaqiyat qozongan. "Paxtakor" 119 to‘p kiritgan holda darvozasidan 34 gol olib chiqqan. Jamoamizning eng yirik g‘alabasi 6:0 natijasi bilan qayd etilgan. Bekoboddagi 22 uchrashuvda "Paxtakor" 16 g‘alaba, 2 durang va 4 mag‘lubiyatga ega.
"Metallurg" va "Paxtakor" jamoalari o‘rtasidagi bellashuv 21 sentyabr, shanba kuni soat 18:00da "Metallurg" stadionida boshlanadi.
“METALLURG” – “PAXTAKOR”
Hakamlar: Ravshan Abdivohidov, Farhod Usmonov, Zufar Eliboyev, Olim To‘ychiboyev.
Nazoratchi: Bobur Haydarov.
Komissar: Shoxrux Said.
