Superliganing 20-turi doirasida bo‘lib o‘tgan "Metullarg" - "Paxtakor" o‘yinidan keyin mezbonlar bosh murabbiyi Andrey Shipilov o‘z fikrlari bilan o‘rtoqlashdi.

"Biz navbatdagi uchrashuvga ham odatdagidek tayyorlandik. Stadionimizga "Paxtakor" keladimi yoki "Navbahor" biz har qanday raqibni hurmat qilamiz. Juda yaxshi o‘yin ko‘rsatdik. Darvozamizga urilgan ikkinchi goldan juda xafaman. Bu bolalarcha xato bo‘ldi. Futbolchilarimni biror narsada ayblamoqchi emasman, ammo... Taktik xatoga yo‘l qo‘ydik. Buni 6 yoki 7 yoshdan futbol maktablarida o‘rgatishadi.

Biz qo‘pol o‘ynamadik, lekin boshqa jamoa haqida fikr bildirmayman. Ularning o‘z mutaxassislari bor. Qo‘pol o‘ynamadik, futbolchilarim sariq kartochkaga arziydigan ish qilmagan bo‘lsada, hakam ularni jazoladi. "Metallurg" futbolchisining burnini sindirishdi, ammo hech kim reaksiya qilmadi. Stanislav Andreevni chalishsa, mening futbolchim jazolandi. Hech kimning manziliga tosh otmoqchi emasman, bizda har bir sohaga javob beradigan alohida qo‘mitalar bor", — deydi Andrey Sergeevich.