Hozirda klublar kuchli futbolchini qo‘lga kiritish uchun katta summadan voz kechishlari shart. Ba’zan esa, ko‘rimsizgina narx evaziga sotib olingan futbolchilar jamoaning muhim figuralaridan biriga aylanadi. Bugun ana shunday futbolchilar haqida qisqacha
Serj Gnabri
“Arsenal”da o‘zini ko‘rsata olmagan futbolchi ortga qaytadi va “Verder” klubida o‘z faoliyatini tiklashga harakat qiladi. Futbolchi “Verder” safidagi o‘yinlari orqali “Bavariya” jamoasi qiziqishlari doirasiga tushib qoladi va keying mavsumni “Gollivud” safida boshlaydi. “Bavariya” Serj uchun 8 million yevro to‘lgan bo‘lsada, hozirda uning narxi 60 milliongacha ko‘tarilgan. Bundan tashqari, Robben ketgach, muxlislar aynan Gnabri uning o‘rnini egallashiga ishonishmoqda.
Suso
Ispaniyalik futbolchi katta futbolga aynan “Livepul” jamoasida kirib kelgan bo‘lsada, jamoaning asosiy tarkibiga kirib olishni uddalay olmgan edi. Keyinchalik klub futbolchini “Milan”ga atigi 1 million yevro evaziga sotib yuboradi. Italiya klubi futbolchini avvaliga bir mavsum “Jenoa”ga ijaraga beradi va darrov ortga qaytaradi. Hozirda “Milan”ning chinakam yetakchsi sanaladigan Susoning transfer narxi 40 million yevroga teng
Kazimiro
“Real Madrid” transfer bozorida o‘zining fantastic haridlari bilan yaqqol ajralib turadi. Shu kunga qadar “qirollik klubi” yulduz futbolchilar uchun millionlarni ayagan emas. Shunday bo‘lsada, mana bir necha yillardan beri jamoadagi eng muhim vazifani bajaruvchi Kazimironing transferi bundan mustasno. Hozirda 65 million yevroga baholanadigan futbolchi uchun “qaymoqranglilar” atigi 7,5 million yevro to‘lashganiga ishonish qiyin.
Kalidu Kulibali
“Napoli” Kulibalini “Genk” klubidan sotib olganida, senegallik futbolchi 22 yoshda edi. O‘sha davrda nomdor bo‘lmagan himoyachi uchun 7,5 million yevro to‘lash chinakam tavvakaldek ko‘ringan bo‘lsa, ajab emas. Hozirda Kalidu dunyoning eng kuchli himoyachilaridan biri sanaladi va uning transfer qiymati 75 million yevroga teng! Marko Veratti Italiyalik futbolchi jamoa safiga Ibrahimovich, Lavezzi, Lukas Moura singari super yulduzlar bilan bir vaqtda taklif etilgani bois hech kim unga e’tibor qaratmagan edi. Oradan vaqt o‘tib aynan
Veratti
jamoaning asosiy futbolchisi bo‘lib yetishini hech kim tasavvur ham qilmagan bo‘lsa kerak. PSJ Veratti uchun 12 million yevro to‘lash orqali bie necha yillardan beri o‘z maydon markazidagi muammolarni bartaraf etishga muvaffaq bo‘lmoqda. Hozirda Verattini qo‘lga kiritishni istagan klublar 75 million yevrodan voz kechishlari shart.
