Italiya terma jamoasi himoyachisi Leonardo Bonuchchi Gresiya terma jamoasiga qarshi uchrashuvda maydonga tushib, terma jamoa safida maydonga tushish borasida "Yuventus" jamoasi sobiq futbolchisi Alessandro Del Pyeroni ortda qoldirdi deya xabar bermoqda Opta.

Gresiya terma jamoasiga qarshi uchrashuv 32 yoshli himoyachi uchun terma jamoadagi 92-o‘yin bo‘ldi.

Shu tariqa Del Pyeroni ortda qoldirib, terma jamoa tarixida eng ko‘p o‘ynagan futbolchilar o‘nligidan joy oldi.

Italiya terma jamoasi tarkibida maydonga tushgan rekordchilar:

1. Djanluidji Buffon – 176

2. Fabio Kannavaro – 136

3. Paolo Maldini – 126

4. Daniele De Rossi – 117

5. Andrea Pirlo – 116

6. Dino Dzoff – 112

7. Djordjo Kyellini – 103

8. Djanluka Dzambrotta – 98

9. Djachinto Fakketti – 94

10. Leonardo Bonuchchi – 92

11. Alessandro Del Pyero – 91