Bugun Coca Cola Superligasining 22-turidan o‘rin olgan uchrashuvlar davom ettiriladi.

Turnir jadvalida 38 ochko bilan ikkinchi o‘rinda borayotgan “Lokomotiv” o‘z maydonida “Buxoro”ni qabul qiladi. “Buxoro” hisobida 19 ochko mavjud bo‘lib, turnir jadvalida 12-o‘rinni egallab turibdi.

Bugungi bellashuv har ikki jamoa uchun muhim. Negaki “Loko” ikkinchi o‘rinni saqlab qolish uchun kurashayotgan bo‘lsa, buxoroliklar xavfli zonaga juda yaqin turishibdi. Shu bois ham bugun “Lokomotiv” stadionida qiziqarli to‘qnashuv kechishi kutilyapti.

“Loko” ushbu mavsum o‘z maydonida mag‘lubiyatga uchragani yo‘q. 11 o‘yinda “temirg‘lchilar” 8 g‘alaba va 3 durang qayd etishgan. To‘plar nisbati 23-6. “Lokomotiv” ushbu mavsumda o‘z maydonida eng kam to‘p o‘tkazib yuborgan jamoa bo‘lib turibdi.

“Lokomotiv”ning oxirgi to‘rt o‘yini durang natija bilan yakun topdi. Uyda “Buxoro”, safarda “Bunyodkor”, “Qo‘qon-1912” va “Qizilqum” jamoalari bilan 1:1 hisobi qayd etildi.

“Buxoro”ga kelsak, bu jamoa ikkinchi davra startidan beri faqat ikkita bellashuvda zafar quchdi. Buxoroliklar so‘nggi ikki turda muhim ochkolarni qo‘lga kiritdi. Jamoa “Nasaf” maydonida g‘alabaga erishgan bo‘lsa, Toshkentda “Bunyodkor” bilan durang o‘ynadi.

Eslatma: Birinchi davrada Buxorodagi bahsda “Lokomotiv” 2:0 hisobida g‘alabaga erishgan. Tomonlarning Toshkentda kechgan so‘nggi 5 bahsida quyidagi natijalar qayd etilgan.

2018. Ikkinchi bosqich. “Lokomotiv” - “Buxoro” 4:0

2018. Birinchi bosqich. “Lokomotiv” - “Buxoro” 3:1

2017. “Lokomotiv” - “Buxoro” 2:0

2016. “Lokomotiv” - “Buxoro” 3:1

2015. “Lokomotiv” - “Buxoro” 2:0

Toshkentda “Buxoro”ga qarshi bo‘lib o‘tgan oxirgi beshta uchrashuvning hammasida “Lokomotiv” g‘alaba qozongan. “Buxoro” “Loko” mayd