«Real» prezidenti Florentino Peres kelasi yilning yozida «PSJ» hujumchisi Kilian Mbappeni xarid qilmoqchi. Bu haqda  As nashri xabar tarqatdi.

Manbaga ko‘ra, «Real»ning ba’zi murabbiylari qishda «Tottenxem»dan Kristian Eriksenni, yoki «Sporting»dan Brunu Fernandeshni, yoxud «Ayaks»dan Donni van de Bekni xarid qilib, jamoani kuchaytirish kerak deb hisoblaydi.

Peres esa bu g‘oyaga qo‘shilmaydi va o‘z e’tiborini Mbappega qaratmoqchi. Shuning uchun Florentino yanvar oyida ortiqcha pul sarflamoqchi emas. Shu bois, qishki transfer paytida madridliklarni hech kim tark etmasa, jamoa yangi futbolchi sotib olmaydi.

Peres «Manchester Yunayted» yarim himoyachisi Pol Pogbaning ehtimoliy transferini past baholamoqda.

Ma’lumotlarga qaraganda, Isko «Real»ni tark etishi mumkin, chunki Yevro-2020 oldidan u yetarli o‘yin amaliyotiga ega bo‘lmayapti. Futbolchi esa qit’a chempionatida ishtirok etishni istamoqda. «Manchester Siti» va «Arsenal» klublari esa Iskoni ijaraga olishni rejalashtirishmoqda.