Italiyaning Bolonya shahrida para-taekvondo bo‘yicha Yevropa ochiq chempionati bo‘lib o‘tdi. Mazkur musobaqada dunyoning 50 ga yaqin mamlakatidan 200 dan ortiq para-taekvondochilar ishtirok etdi. E’tiborlisi, kelasi yili Tokio Paralimpiadasiga qimmatli reyting ochkolarini taqdim etadigan ushbu musobaqada O‘zbekiston terma jamoasi vakillari ham muvaffaqiyatli qatnashdilar.
Musobaqada Guljanoy Naimova (+58 kg), Sanjar Muxtorov (-61 kg) va Farhod Mamaziyayev (-75 kg) finalgacha yetib bordi va kumush medal bilan taqdirlanishdi. Naimova ushbu muvaffaqiyat bilan Olimpiada reytingida 2 pog‘ona yuqorilab oldi va ayni paytda 3-o‘rinni egallab turibdi.