Madridning «Atletiko» klubi yozgi transfer oynasida Xulian Alvaresni sotishga majbur bo‘lishi mumkin. Taniqli insayder Gaston Edulning fikricha, «matraschilar» argentinalik futbolchini olib qolish uchun deyarli imkoniyatga ega emas.
Ayni damda hujumchi uchun ikkita jiddiy da’vogar bor – «Barselona» va «PSJ». Futbolchining o‘z xohishi esa shubhasiz: agar parijliklar moliyaviy jihatdan ancha foydali shartlar taklif qilsa ham, u Kataloniya klubini tanlaydi.
Transfermarkt bahosiga ko‘ra, Xulian Alvaresning narxi 90 million yevroni tashkil etadi. Mish-mishlarga ko‘ra, yaqinda «Barselona» 26 yoshli futbolchi uchun 100 million yevro taklif qilgan, biroq «Atletiko» bu summaga rozi bo‘lmagan.
