«Rostov» klubi bosh murabbiyi Valeriy Karpin «Krasnodar» (2:2) klubiga qarshi bo‘lib o‘tgan uchrashuvdan keyingi fikrlari bilan o‘rtoqlashdi.
- Krasnodarda durang o‘ynash — yaxshi natija, lekin so‘nggi daqiqada o‘tkazib yuborgan gollar alam qilmayaptimi?
—2:0 hisobida oldinda borayotib, qo‘shib berilgan daqiqalarda 2 ta gol o‘tkazib yuborishdan alamli narsa bo‘lmasa kerak. Birinchi o‘tkazib yuborilgan golda yigitlar bir birlarini tushunmay qolishdi. Afsuski, so‘nggi daqiqalarda himoyaga yotib qoldik. Xotirjamlikka berilmagandik, ammo futbol shunday. O‘ylaymanki, jamoamiz yomon o‘yin namoyish etmadi.
– Nima uchun uchta himoyachi bilan o‘ynashni ma’qul ko‘rdingiz?
– Majburiy o‘zgarish ro‘y berdi, chunki Glebov o‘yinni davom ettira olmasdi. Normann yo‘q edi, Popovni biroz avval almashtirgandik, shu bois tayanch yarim himoyachi yo‘q edi.
— Birinchi davradan keyin ikkinchi o‘rin siz uchun syurprizmi?
- Bu kutilmagan holat bo‘ldi men uchun. Mavsum boshida biz yangi jamoa qurishni va hujumkor futbol ko‘rsatishni maqsad qilgandik. Kutilmaganda, biz o‘ylagan reja tez amalga oshdi, - dedi Karpin klub rasmiy saytiga bergan intervyusida.













